Насар күреүселәр өсөн версия
Close
Мин халҡымдың сәскә күңеленән
Бал ҡортондай, ынйы йыямын,
Йыямын да – йәнле ынйыларҙан
Хуш еҫле бер кәрәҙ ҡоямын.


Р. Ғарипов


Уҡытыусы булыу – оло бәхет.

Батталова Гөлнара Нурғәли ҡыҙы, БР Стәрлетамаҡ ҡалаһы ҡала округының МАДББУ «4-се гимназия»ның башҡорт теле һәм әҙәбиәте уҡытыусыһы
Белемем
Юғары, Стәрлетамаҡ дәүләт педагогия институты, башҡорт филология факультеты, 1999 йыл

Эш тәжрибәһе
Педагогик стажым – 20 йыл
Квалификацияны камиллаштырыу
Публикациялар

Директорҙарым, остаздарым
Ғәлимова Роза Абдулла ҡыҙы (1984-1994 й.)
Сәмиғуллина Лидия Лотфрахман ҡыҙы (1994 – 1999й.)
Батталов Рәис Зөфәр улы (1999-2002 й.)
Шишкина Валентина Ивановна (2002-2018й.)
Силантьева Инна Александровна (2018-2020 й.)
Минең ҡаҙаныштарым
Ижади эшмәкәрлек
Р. Назаровҡа бағышлана
Яҙҙар шаулап үтеп, йәйҙәр етә,
Алтын көҙҙө аҡ ҡыш ҡыуалай.
Кешеләрҙең ғүмер йомғаҡтарын
Әле һүтә, әле сырмалай...
Кемгәлер был тормош гүйә байрам:
Күңел аса һәр саҡ, ҡыуана.
Донъяһы бай, етеш булғанғамы
Бошмаҫ булып шулай ҡылана?
Кемгәлер был тормош ҡаты һынау:
Бер-бер артлы бәлә кисереү,
Көндө төнгә ялғап эштә эшләү,
Тинде-тингә һанап көн күреү.
Әйтсе, Рәшит ағай, һиңә лә бит
Был тормошта еңел булмаған.
Булған шатлыҡтарың, йыуанысың
Ҡайғылар ҙа урап үтмәгән.
Түҙгәнһеңме икән, әллә ғорур
Үткәрҙеңме тормош һынауын?
Ағым һыуға ҡаршы нисек торҙоң?
Эх, беләһе ине яуабын.
Уйлап-уйлап һорауҙарға яуап
Таба алмайынса интегәм.
Эх, күрәһе ине, осрашаһы,
Һөйләшәһе ине һеҙҙең менән...
Аҡҡан һыуҙар кире аҡмағандай
Күрешергә беҙгә форсат юҡ.
Әммә һеҙҙең ижад бөгөнгәсә
Йәшнәп йәшәй, уға үлем юҡ!

***
Йөрәгендә миңә урын юҡ...

Йәмле йәйҙә, кәкүк саҡырғанда
Күңелемде һөйөү сорнаны.
Йылы һүҙе, ҡараштары менән
Йөрәгемде минең яуланы.
Яҙҙар еткәс ҡарҙар ирегәндәй
Һөйөүемде көҙҙәр урланы.
Яңғылыштым, буғай, аҙаштырҙы
Мөхәббәттең ҡуйы урманы.
Күпме саҡырһам да, өндәшһәм дә
Ишетеүсе кеше мине юҡ.
Мөхәббәттең ҡуйы урманында
Йөрәгендә миңә урын юҡ!

***

И
ҫке Ҡалҡашым
Тыуған яҡҡа ҡайтып киләм.
Ана, күренә тауы.
Ҡуҡырайып ултыралар
Шыршы, ҡарағайҙары.
Әллә ҡайҙан бында мин тип
Күренә тыуған мәктәп.
Мөләйем ауылдаштарҙы
Иҫкә аламын маҡтап.
Сылтыр-сылтыр аға шишмәм,
Аға минең Бишҡамам.
Бер йотом һыуҙарын эсһәм
Илһам көстәрен алам.
Эстәрлекәй буйҙарына
Төшәм һәр ҡайтҡан һайын.
Талдар, гүйә, сәләм бирә
Эйәләр башҡайҙарын.
Аяҙ күктә яҡты нурын
Сәсә ергә ҡояшым.
Бер нимәгә алыштырмам
Һине Иҫке Ҡалҡашым!

***

Кеше булып ҡал һин һәр ваҡытта
Ауыр саҡта ярҙам ҡулы һуҙ.
Шул сағында әйтерһең һин ғорур
Мин кешемен – ошо бөйөк һүҙ.

***

Айнур туғаныма
Моңһоу ғына әллә ҡайҙан
Башын сайҡай бер тирәк.
Гүйә миңә әйтә һымаҡ
Кил яныма тиҙерәк.
Һиңә асыр ҙур серем бар
Күңелкәйем бик бойоҡ.
Күҙ алдымдан китмәй шул төн...
Ҡараңғы. Шомло. Һыуыҡ.
Ҡәһәр төндө миңә килеп
Нимәлер бышылданы.
Юҡ, кәрәкмәй, бәләкәсем,
Тигәнде ишетмәне.
Көс етмәне һелкетһәм дә
Ағасым ботаҡтарын.
Өҙөлмәне, йолҡонманы
Баланың арҡандары.
Мин ғәйепле, ғәйеплемен,
Өҙҙөм бала ғүмерен.
Инде ни хәл күтәрермен
Әсәнең күҙ йәштәрен.
Ғәфү итегеҙ мине тип,
Мин һеҙгә әйтә алмайым.
Кисерегеҙ мине бер үк,
Һағыштан түҙә алмайым.

Баһаламалар
Made on
Tilda